Programa 1995. urtean hasi zen. 1994ko abuztuaren 8ko Foru Aginduak eta 6/2003 Foru Legeak arautzen dute. Bertan, tabako kerik gabeko Osasun Zerbitzuko Zentro eta Zerbitzuetako eremu guztiak adierazten dira, eta bi esku-hartze maila ezartzen dira, erretzeari uzteko laguntzan: oinarrizko maila eta maila intentsiboa. Osasun etxe guztietan eskaintzen da eta tratamendu farmakologikoaren (nikotina txaplatak eta bupropiona) % 60 finantziatzen du. Oinarrizko mailak zera hartzen du barnean: kontsultan, tabakoari buruzko galdera sistematikoa egitea; erretzaileei erretzeari uztea aholkatzea; eta informazio eskuorria eskaintzea erretzeari utzi nahi diotenei. Maila intentsiboak erretzeari uzteko banakako zein taldekako plana eskaintzen dio erretzeari utzi nahi dion eta laguntza eskatzen duen edozein pertsonari.